ა(ა)იპ „მცხეთის მუნიციპალიტეტის სკოლამდელი აღზრდის დაწესებულებათა გაერთიანება“ არის ორგანიზაცია, რომელიც უზრუნველყოფს მცხეთის მუნიციპალიტეტის საბავშვო ბაგა-ბაღების ერთიან მართვას, განვითარებასა და მხარდაჭერას.

ჩვენი საქმიანობის მთავარი მიზანია, თითოეულ ბავშვს შევუქმნათ უსაფრთხო, მზრუნველი და განვითარების ხელშემწყობი გარემო, სადაც ის შეძლებს საკუთარი შესაძლებლობების სრულყოფილად გამოვლენას.

გაერთიანება მართავს და კოორდინაციას უწევს მუნიციპალიტეტის მასშტაბით მოქმედ საბავშვო საბავშვო ბაგა-ბაღებს, უზრუნველყოფს სკოლამდელი განათლების სახელმწიფო სტანდარტების დანერგვას, საგანმანათლებლო პროცესის ხარისხის გაუმჯობესებას, ბავშვთა უსაფრთხოებას, ჯანსაღ კვებას, ინფრასტრუქტურის განვითარებასა და პერსონალის პროფესიულ მხარდაჭერას.

ჩვენი საქმიანობა ეფუძნება ბავშვის საუკეთესო ინტერესების დაცვას, თანასწორობის პრინციპს, ინკლუზიურ მიდგომას, პროფესიონალიზმს, თანამშრომლობასა და გამჭვირვალობას.

დღეს გაერთიანება ემსახურება მცხეთის მუნიციპალიტეტის სხვადასხვა ადმინისტრაციულ ერთეულში მცხოვრებ ოჯახებს და ზრუნავს, რომ სკოლამდელი განათლება იყოს ხელმისაწვდომი, ხარისხიანი და თანამედროვე მოთხოვნებთან შესაბამისი.

ჩვენ გვჯერა, რომ სკოლამდელი განათლება ბავშვის წარმატებული მომავლის საფუძველია. სწორედ ამიტომ, ყოველდღიურად ვმუშაობთ იმისთვის, რომ თითოეულმა ბავშვმა მიიღოს მზრუნველობა, მხარდაჭერა და განვითარების შესაძლებლობა უსაფრთხო და კეთილგანწყობილ გარემოში.